UP te lockdown aro othaishe

May 5, 2021. Uttar Pradesh government para aro Thursday pujur 7am para aro tui(2) din nemite jai thaka lockdown toh othaishe, koikena Wednesday din state administration para khobor junai thishe. Official notification hesab te industrial kam, medical & essential services, tai khan laga gari, e-commerce operators aro medical emergency manuh, post office print, electronic aro internet services te kam kora khan nemite state te lockdown samai peraboli nemite e-pass lakibo koishe. Kaun manuh curfew samai perabo tai khan official portal of Uttar Pradesh Revenue Department te jaikena e-pass loboli laki koishe. e-pass online te commercial units khan nemite documents neshina Aadhaar or PAN card aro GST documents lakibo. State dosura te COVID-19 cases othi-thaka nemite, Monday din Uttar Pradesh government para partial lockdown toh May 6 darik thakiboli junaikena ase. Additional Chief Secretary Navneet Sehgal para order issue kora hesab te, Uttar Pradesh te partial ‘corona curfew’ toh May 6 darik 7 am dak aro othaishe,etu restrictions toh May 4 darik dak thakishe. Desh te etu paar lockdown toh Uttra Pradesh te tui(2) paar wala hoi ase. Tuesday din Uttar Pradesh te Covid-19 bemar para 350 oper manuh morishe aro kali 1 jun bhal hoishe aro notun bemari cases toh 12,500 oper thurishe, koikena official khobor hesab te janaishe. Itya dak state te 25,858 notun cases ase aro 38,683 bhal hoikena ase, data para janaishe. Notun khobor hesab te state te notun coronavirus bemar para 13,798 morishe aro 13,68,183 bemari cases ase aro 2,72,568 active cases ase koikena data para koishe. Bemar manuh hospital te 10,81,817 discharged hoikena ase. Notun 352 mora pithor te, Kanpur para 66, Ghaziabad (24), Lucknow (22), Varanasi (19), Jhansi (15) aro Gautam Buddh Nagar (11), ase koikena state government para statement te janaishe. Notun 25,858 cases te capital city Lucknow te 2,407 cases ase, etu beche Gautam Buddh Nagar (1,761), Jhansi (1,232), Varanasi (1,174), Ghaziabad (1,057), aro Moradabad (1,007) hoikena ase.