MK Stalin ke Tamil Nadu CM junishe

Chennai: Friday din te DMK president MK Stalin ke Raj Bhavan Chennai te Tamil Nadu Chief Minister hoboli kosom korishe. Governor Banwarilal Purohit para tao oper te kosom toh loishe. Stalin jarikena 33-members khan be aji kosom kaishe. Stalin para Home aro dosura portfolios neshina public, general administration, all India services, district revenue officers, special programme implementation aro welfare of differently abled persons thuribo, koikena Raj Bhavan para khobor te janaishe. Stalin toh first time Chief Minister hoishe aro tai para konuaba departments te nam toh putli koriboli koishe. Etu te agriculture department nam toh agriculture & farmers welfare te putli hoishe. Party veteran aro general secretary Duraimurugan para portfolios thuri thaka neshina Public Works DMK rule (2006-11) samai thaka toh Water Resources, irrigation projects aro etu oper te mines & minerals thishe. Duraimurugan aro dosura 18 former Ministers khan ke Cabinet te junishe. Former Chennai Mayor Ma Subramanian aro party’s north Chennai strongman, P K Sekarbabu aro dosura 15 jun toh first time Ministers hoishe. Subramanian aro Sekarbabu logot departments of Health & Family Welfare aro Hindu Religious & Charitable Endowments thishe. Palanivel Thiagarajan, former investment banker logot Finance & Anbil Mahesh Poyyamozhi School Education department portfolio thishe. Thiagarajan aro Poyyamozhi toh first time minister hoishe aro tai jun toh besi tangor familes para otha ase, Tamil Nadu te Dravidian movement samai thakishe aro DMK te be besi din para kam kori ahishe. Tui( 2) jun maiki ministers- P Geetha Jeevan former minister te social welfare and women empowerment thishe aro N Kayalvizhi Selvaraj ke Minister for Adi Dravidar Welfare janishe. Selvaraj toh be first time minister hoishe, tai para BJP Tamil Nadu unit chief L Murugan logot Dharapuram constituency te harai thishe. Thangam Thennarasu toh former Minister ase aro S Reghupathy toh be of state for environment te former union minister thakishe, tai jun ke ministers for industries aro law thishe. K R Periakaruppan, T M Anbarasan, M P Saminathan, sob toh purana ministers thakishe aro tai khan sob ke ministers hoishe aro departments of Rural Developement, Rural Industries & Information aro Publicity. K Ramachandran,  former Minister, ke forests department portfolios thishe.