Chhattisgarh district jail para 5 jun pulaishe

Mahasamund : Thursday din Chhattisgarh’s Mahasamund district para 5 jun manuh pulai jaishe, etu oper te ek jun toh rape kora nemite trial loi thaka manuh ase koikena officials para janaishe. Tai kahn toh Mahasamund district jail te 3:30 pm wall te othikena pulaishe koishe. Jail laga wall toh scaled kora beche 5 jun para toh dosura side para pulaishe, koikena Assistant Jail Superintendent RS Singh para khobor toh janaishe. Singh para koishe ke, tai aro jail guards khan para ketaishe hoilebi tai khan sob toh alag-alag rastha para jaishe. Police logot etu khobor toh janaishe thishe koishe. 5 jun manuh te 3 jun- Dhansai (33), Damrudhar (24), aro Rahul (22) umer khan toh chor case te 2019 saal para bohi ase. Dosura 1 jun Karan (21) umer toh etu eke saal tawai laga case nemite thurishe, tai para aro janaishe. 5 wala toh Daulat (23) umer ase aro tai toh rape case nemite jowa saal para jail te bohi thakishe, Singh para koishe. Rahul toh Uttar Pradesh laga manuh ase aro dosura manuh khan toh Mahasamund district para ase. Ami khan district laga  police stations sob te khobor korishe aro jaga-jaga check posts othaishe. Jaga sob te CCTV footage para be sai ase,” koikena police officials para janaishe. Home Minister Tamradhwaj Sahu para jail officials khan ke team bonaikena etu jail para pulai jowa manuh ke thuriboli kam janaishe, koikena officials khobor para janai thishe.