Jaipur: Rajasthan government para May 10 darik para 24 darik dak state te trict lockdown besi kara te thakiboli junaishe, etu samai marriage functions, intrastate pera aro MGNREGA kam be bondh thakibo koishe. Marriage functions toh May 31 darik bechete maniboli thibo, etu samai marriage gardens, bands neshina logot advance booking poisa thikena thaka toh adjust koribo nahoile wabas koribo, koikena government para janaishe. Hoilebi, marriages toh etu samai courts te nahoile ghor te besi jun para 11 manuh thakina loboli paribo, koikena state cabinet te fesla loishe. “strict lockdown” koriboli fesla lowa toh Thursday rathi cabinet meeting virtual thaka samai loishe. Chief Minster Ashok Gehlot para koishe ke, lockdown toh May 10 darik 5am para May 24 darik 5am dak thakibo. MGNREGA kam aro intrastate peraboli toh etu samai bondh koribo. Emergency gari jarikena dosura gari private aro public transport bondh thakibo. Parthana kora jaga aro MGNREGA kam bondh thakibo. Restrictions besi wala toh state te ”Red Alert Public Discipline Fortnight” pithor te hoikena ase koishe. State bahar para manuh aha khan ke RT-PCR negative test report lakibo. Jodi negative test report toh nathakile etu manuh khan toh 15 din nemite quarantined koribo. Migration kam nemite factories te aha jowa nemite special buses thibo aro etu toh factories/construction sites te kam kora manuh khan para sabo. Puila laga guidelines hesab te Dukan kuli thaka toh aro kuliboli thibo. Meeting samai, ministers khan para oxygen komti thaka nemite be kotha koishe aro etu oper te kam orders hesab te 47,000 oxygen concentrators keniboli fesla korishe. Olop din akhe para state te coronavirus cases toh besi othi ase. Thursday din te coronavirus para 161 manuh morishe aro 17,532 notun cases thurishe. Etu sob melaikena itya dak state te manuh mora toh 5,182 hoishe aro bemari cases toh 7,02,568 hoikena ase, etu khobor toh officials report hesab te janaishe.
Add Comment