Former Maldives President Nasheed blast te jokom paishe

May 8, 2021: Maldives state laga 1^st democratically elected President aro itya laga Parliament Speaker Mohamed Nasheed toh blast te jokom hoikena ase koishe. Maldives Police laga khobor hesab te, Mohamed Nasheed toh ADK Hospital te elaj kori ase. Etu blast toh G Kenereege, Male’s Neeloafaru Magu, Nasheed laga gor te gari para jai thaka samai hoishe. Blast toh howa bechete joldi te police para etu jaga toh bondh korikena manuh khan te jaboli mana korishe. “Neeloafaru Magu Male te, blast howa nemite Parliament Speaker, President Mohamed Nasheed toh jokom paishe aro tai itya ADK Hospital te elaj kori ase,” koikena Maldives Police para khobor toh janaishe. “etu jaga te police alert te ase aro public khan ke etu jaga osor te jaboli mana korikena ase. Ami khan para public ke update kori thakibo,” Maldives Police para koishe. India’s external affairs minister Dr S jaishankar para etu khobor honikena besi tangor bapana korishe aro Mohamed Nasheed logot joldi bhal hoboli janaishe. “Speaker @MohamedNasheed logot hamla kora toh tangor bapana te ase. Tai ke joldi bhal hoboli wish kori ase, jani ase tai phui te nai,” koikena Dr Jaishankar para koishe. Mohamed Nasheed toh 5 umer ase aro tai 2008 saal te election besi paar jetikena ase. Hoilebi, 4 saal beche tai ke hataishe. Khobor hesab te etu bomb toh motorbike ekta parked korikena thaka te rakina thakishe koishe.