Tamil Nadu te 2 hafta total lockdown

New Delhi: Tamil Nadu government tui(2) hafta nemite “total lockdown” May 10 darik para COVID-19 cases besi otha nemite junai thishe. Ek din akhe State te Covid bemari cases toh 2 6,000 notun cases thura nemite etu fesla toh loishe. Chief Minister MK Stalin para statement te koishe ke, “etu lockdown toh opai nathaka nemite othai ase. Friday din te district collectors aro medical experts khan logot meeting te khobor loikena etu fesla toh korishe.”Etu total lockdown toh May 10 darik 4 am para May 24, 4 am dak thakibo, tai para aro koise. Jowa kali Mr Stalin kosom kora beche etu 1^st tangor lockdown koriboli fesla toh tai para kori ase. Friday din te 26,465 notun cases thura nemite state laga southern jaga te caseload toh 13,23,965 hoishe, etu samai 197 manuh neshina virus bemar para morishe, sob melaikena 15,171 manuh morikena ase. State laga capital Chennai te 6,738 notun bemar cases khobor paishe, etu melaikena ajji dak te 3,77,042 ase. Aro manuh mora sob melaikena 5,081 hoikena ase. Tamil Nadu te bemari cases toh campaign kora samai othishe, etu samai alag-alag parties khan para rallies thaka samai social distancing neum namana nemite ase koishe. 12 states pithor te Tamil Nadu state te be COVID-19 active cases toh 1 lakh oper hoikena ase, etu khobor toh central government para janaishe. Kerala aro Karnataka state beche  Tamil Nadu toh 3^rd southern state ase ke bemari second wave larai kora te lockdown junai ase.