New Delhi: Saturday din Andhra Pradesh laga Kadapa district te gelatin sticks putikena komti hoilebi kam kora manuh 9 jun morishe aro dosura konuba jokom hoishe, koikena police para janaishe. Etu incident toh Kalasapadu Mandal jaga osor Mamillapalle bosti te thakishe, etu samai labourers khan para gelatin sticks toh gari para unload kora samai putishe. Etu putai toh besi kara thakishe ke manuh khan laga body parts toh dokura hoishe aro gari toh be sob julishe. Labourers khan toh Kalasapadu aro Pulivendula mandals jaga laga thakishe, tai khan para mine te kam kora samai etu gelatin sticks toh jolai thaki koishe. Police khan etu jaga te jaikena bodies toh autopsy nemite te loikena jaishe. Investigation jai ase aro etu saman jolaboli license ase naa nai khobor loi ase koishe. Chief Minister Y.S. Jagan Mohan Reddy para etu khobor honikena asorit hoishe aro tai para mora manuh laga ghor manuh logot mon dukh howa janaishe. TDP national president & former chief minister N. Chandrababu Naidu para be nnocent manuh khan kam kora samai mora toh mon dukh janaishe. Tai para government logot mora manuh laga ghor manuh ke ex-gratia thiboli janaishe. TDP chief para statement te jokom paikena thaka khan logot bhal medical elaj thiboli koishe. Tai laga nejor bosti te manuh khan mora oper te mon dukh paishe aro
etu neshina nahoboli nemite safety standards aro kam kora manuh sob logot safety saman thiboli janaishe.
Add Comment