Mizoram deputy CM Tawnluia ke positive thurishe

May 9, 2021. Mizoram deputy chief minister & Mizo National Front (MNF) senior vice president Tawnluia ke novel coronavirus positive test thurishe, koikena officials para junaishe. Saturday pujur tai ke Rapid Antigen Test para Covid-19 positive thurishe, officials para koishe. 77 umer leader ke mild symptoms thaka nemite itya tai ghor pithor isolation te ase koishe. Tawnluia para aro Zoramthanga’s cabinet pithor te dosura besi portfolios neshian- public health engineering, urban development & poverty alleviation, aro animal husbandry & veterinary thurikena ase. Tai toh 1966-1986 saal samai Mizo National Army (MNA) te 20 saal oper former commander-in-chief thakishe. MNF leader ke November 2018 assembly polls samai Tuichang assembly constituency para junishe. Tai toh aro 1987, 1989, 1998 aro 2003 assembly polls saal te contest kora te kamyaab hoishe aro etu oper te 1998 aro 2008 saal te tuita(2) terms state home minister bokishe. Saturday din Mizoram te 235 Covid-19 cases thurishe, etu melaikena state te 7,382 hoikena ase. Itya active cases toh 1,906 ase aro etu virus bemari para 5459 manuh bhal hoikena ase. Itya dak te bemari para komti hoilebi 17 manuh morikena ase. Etu samai, state government para pura lockdown thakiboli May 10 darik 4 am para May 17 darik 4 am dak junaikena ase. Lockdown toh Aizawl aro dosura district headquarters te be jai ase koishe.