May 17, 2021. Duniyaa laga sobse beya coronavirus bemari samai, Inian banks te 1,000 employees neshina hari-jaishe aro dosura manuh besi jeevan beya hoishe, koikena industry body para juanishe. “ami khan 1,000 oper sathi khan hari-jaishe,” koikena All India Bank Officers’ Association laga general secretary S. Nagarajan para Saturday din Bloomberg News logot janaishe”. “Bank te kam kora khan toh frontline workers ase aro virus para tai khan logot hamla kori ase.” India te 24 million oper manuh bemar ase aro etu bemari para 2,66,200 manuh morishe etu nemite states besi te itya lockdown kori ase. Hoilebi, bank sector toh essential service neshina ase aro lockdown te kam te jaboli laki koishe. Banking services te dukh nathakibo nemite kam toh 50% neshina kori ase. Sobse tangor bank te kam kora manuh laga body- All India Bank Employees laga general secretary, C.H. Venkatachalam para moneycontrol.com website logot koishe ke, etu virus bemari para 1,200 employees morikena ase. “hoilebi banks para mora manuh laga ghor manuh nemite compensation policies toh detail te share nakori,” koikena Mr Venkatachalam para koishe. Mr Venkatachalam ke Bloomberg para khobor toh joldi janai deya nai. Friday din te Press Trust of India para koishe ke, senior federal government bureaucrat, Debasish Panda para state authorities logot joldi te banks toh vaccinate korikena Covid kelaaf te employees nemite insurance bonaboli letter lekishe. India te itya vaccine komti ase aro 180 million manuh ke Covid vaccine thikena ase. Itya laga rate hesab te tuita(2) dose vaccine toh 75 % manuh logot thiboli 2.5 saal lakibo, koikena khobor toh Bloomberg’s vaccine tracker laga hesab te janaishe.
Khobor: Banks te 1,000 kam kora manuh noksen hoishe
