May 27, 2021. Kathua’s Hiranagar town sub-jail “holding centre” ekta te 53 Rohingya logot Civid-19 positive thurishe, koikena officials para khobor toh janaishe. Etu manuh khan ke dosura manuh para alag korikena ase aro health officials para positive thurikena thaka khan laga halat toh sai ase koishe. Centre te tin(3) din special test drive lowa samai etu manuh khan logot covid-positive toh thura ase. Kathua Chief Medical Officer, Dr Ashok Choudhary para tai khan sob toh asymptomatic ase janishe. “tai khan ke isolated korikena ase aro corona kits dey ase, ami khan laga doctors para hotai din centre te jaikena etu manuh khan laga halat toh sai ase.” Jammu holding centre te verification drive jai thaka samai komti hoilebi 220 Rohingya khan ke thurishe, etu nemite J&K administration para March moina te Foreigners Act pithor te etu manuh khan nemite centres bonai thishe. Myanmar te jamila ola beche 100 neshina Rohingya khan Jammu te ahishe. Centre laga officials para koishe ke, ek moina akhe centre te bacha khan para tai khan laga ama lok kora samai bemar toh phela ase bapana korishe. “itya ami khan hosahri kam kori ase aro Covid neum jolai ase,” koikena holding centre laga incharge P K Modi para koishe. Etu samai, Wednesday din Jammu & Kashmir te Covid bemari para aro 40 manuh neshina morishe etu melaikena 3,702 manuh morikena ase koishe.
