May 29, 2021. India te Covid vaccine komti thaka nemite, Friday din Union Health & Family Welfare Ministry para koishe ke, September moina dak te toh vaccine bonai thaka toh hotai moina 10 crore doses neshina bonaboli janaishe. “itya Covaxin bonai thaka toh May aro June 2021 dak te double othibo aro July/ August moina te aro 6-7 fold othibo, etu hesab te April moina te 1 crore vaccine bonai thaka toh July/August moina te 6-7 crore vaccines bonabo. September moina dak te toh hotai moina te 10 crore doses bona pongchibo,” koikena statement te janaishe. Etu samai, Health Ministry para janaishe ke, khobor ekta te Bharat Biotech para 1 moina pithor te 6 crore Covaxin doses bona ase kowa khobor toh mesa ase koishe. “konuba nejana khobor para Bharat Biotech para 6 crore vaccine bonai ase kowa toh kolti ase. Etu khobor toh mesa ase aro kam hesab te nahoi,” koikena statement te janaishe. Friday din ministry para koishe, Bharat Biotech para Centre logot 2,76,66,860 vaccine doses thishe, etu pithor te 2,20,89,880 doses aro wastage toh states aro UTs para itya jai thaka Covid 19 Vaccination drive te jolaikena ase. Etu te States/UTs te vaccines balance available doses toh 55,76,980 ase. Private hospitals te etu eke moina samai Covaxin 13,65,760 doses paishe aro GoI aro states logot thikena ase.” May moina te aro extra Covaxin 21,54,440 doses supply koriboli ase. Etu sob melaikena aji dak te vaccine 11,87,060 doses toh supplied korikena ase. June moina te vaccine bona manuh khan para 90,00,000 doses neshina thiboli koikena ase. Ministry laga khobor hesab te, India te sob melaikena Covid vaccine doses toh 20.86 crore neshina manuh logot thiken ase janaishe.
September dak te Covaxin 10 cr doses bona pongchibo
