AGENCIES:Nepal side laga sobse dangor peak te 46 umar Chinese zhang Hong toh uthise aro etu para tai toh aisa laga akhe wala suku nathaka manu aro duniya laga third wala manu ase mount Everest te utha toh.
Zhang para reuters ke koikena janaidiya thakishe ki”ki hoilebi apuni toh thengh thik thak nathaka nohoile toh normal thakishe koile toh nohoile toh judi apu ni toh suku para thik thak nadhikele toh nohoile apuni logote thengh haath nathakile bi etu toh ki hoilebi hobole dibi apuni logote bhal deemak thakibole lageh apu ni khan hudai manu khan kuribole napara toh apuni kuribole nimete.
Zhang para etu 8,849 metre-high Himalayan feat toh May 24 te kurishe etu logote tinta high altitude guides khan ase aro base camp te Thursday din te wapas ahise.
southwestern Chinese city Chongqing te jonom huwa zhang toh tai laga su ku toh 21 umar te hatishe glaucoma nimete.
Tai toh ekta Erik Weihenmayer, blind American mountaineer kun para Everest te uthishe 2001 te inspire kurishe aro training shuru kurishe tai laga mountain guide friend Qiang Zi laga guidance bithor te.
Nepal para mount Everest april moina te foreigners nimete khulishe etu bi juwa sal bondh kurishe covid19 pandemic nimete.
Zhang para koikena janaishe “ami toh bishi bhui khai thakishe kile koile toh ami para sabole paranai mui kuteh berai thaka toh aro mui laga gravity centre toh paanai etu nimete mui kitiaba toh girishe.
“hoilebi mui bhabona kurishe kile koile toh tan thakile bi etu dikdaar khan toh mui sai thakibole lageh etu toh ekta component ase uthibole niemte.etu te dikdaar aro khatara khan ase aro etu toh utha laga matlab ase.”
Add Comment