Mizoram te 236 notun Covid cases, 2 jun morishe

June 5, 2021. Saturday din Mizoram te 236 notun Covid-19 cases thurishe aro bemar para aro tin(3) jun morishe koikena officials para janaishe. Mora manuh tin(3) jun toh 27 para 69 umer ase aro tai khan toh Friday rathi Zoram Medical College (ZMC) para morishe koishe. Etu notun 236 cases toh 3,306 samples test kora te thurishe, etu nemite 1 din laga positivity rate toh 7.13 per cent te ase koikena official para koishe. Itya Mizoram te 3,433 active COVID-19 cases ase aro etu bemari para 9,816 manuh bhal hoikena ase. Notun cases thura pithor te 54 bacha ase aro 1 jun Border Security Force (BSF) jawan samil ase. Zoram Medical College (ZMC) te RT-PCR laboratory para 54 notun cases thurishe aro TrueNat test par 8 thurishe aro etu oper te174 cases toh Rapid Antigen Test para thura ase koishe. Etu cases pithor te Aizawl district para 179 cases ase aro Lunglei district para 20 cases. Kolasib district te 11 cases, Serchhip (9), Siaha (4), Lawngtlai (9), Saitual district (2), aro Mamit & Khawzawl districts te 1 cases ase. 4 jun manuh logot travel history thakishe aroi 232 jun toh locally thura ase aro 84 jun laga khobor toh paboli ase, koikena officials para janaishe. Mizoram laga total recovery rate toh 73.81 per cent ase aro mora rate toh 0.39 per cent ase. Itya dak te 4, 06,982 samples tested korikena ase. State immunization officer laga khobor hesab te Friday din dak te 2, 65,375 manuh logot Covid-19 vaccine first dose thikena ase.