Supreme Court: Centr logot 2 hafta samai thishe

June 5, 2021. Olop din akhe te COVID nemite tuita(2) Central Board of Secondary Education (CBSE) aro Council for Indian School Certificate Examination (CISCE), central examinations Class 12 cancelled kora nemite, Thursday din Supreme Court para central government logot tui(2) hafta pithor te objective criteria students’ results toh janai thiboli koishe. Prime Minister Narendra Modi para exams cancel junai deya nemite itya millions students khan desh pura colleges te keneka admissions koribo besi tangor bapana te ase. Etu khobot junai deya beche, bench of justices AM Khanwilkar aro Dinesh Mahehwari para fesla toh manishe, hoilebi Centre logot sawal kora toh kenike result assessment toh korbo ase. Supreme Court para etu fesla toh aro June 17 darik te loikena jaishe, aro koishe ke, state boards te schools affiliated thakai toh kenika students khan para junibo, etu nemite objective assessment toh joldi bonaboli koishe.