Assam Rifles Major ke civilian mora nemite thurishe

June 6, 2021. Friday rati Manipur  Kangpokpi district te Assam Rifles Major-rank official para bosti manuh ek jun logot gooli marikena mora case te thurishe koishe. Saturday din te Assam Rifles Major Alok Sathe ke thura toh hoile, 24 umer para moriboli samai etu officer laga nam loishe, koikena TOI para khobor toh janaishe. Etu mora manuh laga nam toh Mangboilal Lhouvum thakishe aro tai toh Kangpokpi police station pithor Chalwa bosti laga manuh ase. Major Alok Sathe para eku kotha nakoikena Lhouvum oper te gooli jolaishe koishe. AR official toh “off duty” samai, tai para bosti manuh oper te gooli marishe. Lhouvum toh hajara kora manuh aro tuita(2) bacha laga papa ase koishe. Major Sathe toh Assam Rifles’ 44th Battalion te attached ase aro tai toh paramilitary force’s Gelnel bosti te commander thakishe. Etu incident howa beche, Gelnel bosti te thaka manuh khan kusa para Assam Rifles camp pithor te jaishe. Etu samai bosti manuh khan para tuita(2) AK 47 rifles, tuita(2) gari aro camp te saman thakai khan beya korishe, etu oper te Major ke thurikena Manipur police logot thishe koishe.