June 6, 2021. Sunday din India te novel coronavirus notun cases 1,14,460 thurishe aro etu samai bemar para 2677 manuh morishe koishe. Union Health Ministry para data shared kora hesab te, 24 gonda pithor India te sob melaikena 1,89,232 discharge hoishe aro bemari para bhal howa toh 2,69,84,781 thakishe. India te sob melaikena COVID-19 cases toh 2,88,09,339 ase aro etu pithor te 14,77,799 active cases ase koikena data para janaishe. India te sob melaikena 3,46,759 manuh morikena ase. Aro etu samai desh te 23,13,22,417 manuh logot COVID-19 bemar kelaaf te vaccnice thikena ase. India laga COVID-19 tally toh August 7 darik dak te 20 lakh pongchise, August 23 darik te 30 lakh hoishe, September 5 darik te 40 lakh aro September 16 darik te 50 lakh pongchise. Etu beche September 28 darik te 60 lakh, November 20 darik te 90 lakh aro December 19 darik te toh 1 crore pongchise koishe. India te bemari cases 2 crore toh May 4 darik te pongchise. Etu samai India para UN peacekeepers logot the 200,000 COVID-19 vaccines gifted deya toh jolai ase aro etu Blue Helmets lakai khan ke vaccine thikena ase,” koikena UN chief Antonio Guterres laga spokesperson para khobor toh janaishe. “Indian Government para ami khan logot 200,000 doses vaccine thishe aro peacekeepers khan besi jun logot vaccine toh loikena ase,” koikena Secretary-General laga Spokesman, Stephane Dujarric para Friday din daily press briefing samai reporters khan para sawal kora nemite khobor toh janai thishe. “etu nemite Indian laga vaccine oper te ami laga bapana toh200,000 doses AstraZeneca ase aro etu vaccine toh jolai ase,” tai janaishe. UN peacekeeping missions te India toh ekta sobse tangor motob kora desh ase, India para UN missions jaga sob te UN peacekeepers logot 200,000 doses of COVID-19 vaccines toh gifted thikena ase koishe. Etu saal March 31 darik dak te duniyaa pura 12 peacekeeping operations te 87,889 personnel khan kam kori ase koishe.
Add Comment