J&K Govt para 13 officers ke suspends korishe

Srinagar: Jammu & Kashmir government para 13 officers khan ke developmental funds unauthorised withdrawal kora nemite suspended kori thishe koishe. Friday din rural development department laga principal secretary para order issued kora te janaishe ke, etu officers khan para e-FMS (Electronic Financial Management System) accounts te authorization nathakina funds toh withdraw korishe koishe. Etu suspended officers pithor te, tui(2) jun Assistant Commissioners Development (ACDs) ase aro Kashmir Administrative Service (KAS) laga 8 jun Block Development Officers (BDOs) samil ase koishe. Order para janaishe ke, etu kam beya kora te enquiry kotom nakora dak etu suspended officers khan toh director rural development department laga office te attached thakibo. Etu officers khan para funds Unauthorised withdrawal kora toh Kashmir division laga Baramulla aro Anantnag districts laga alag-alag block development offices para khobor thishe koishe.