June 13, 2021. Saturday din te CPI(M) West Tripura district committee para janaishe ke, BJP- logot dosura manuh samil hoikena Mohanpur sub-division te CPI(M) party workers laga 23 ghor neshina beya kori thishe koishe. District committee para koishe ke, etu harami manuh khan toh local MLA aro state education minister Ratan Lal Nath laga osor manuh thakishe. CPI(M) West Tripura district committee secretary Ratan Das para koishe, “group ekta bikes te ahikena ajanak para Chechariya, Harinakhala and Hejaria bosti, Mohanpur sub-division pithor CPI(M) workers oper te hamla korishe. “konuba CPI(M) workers logot gunpoint te thamki thishe. Workers khan laga ghor toh hamla korishe, etu ghor toh social activities neshina sanitation, dukai manuh ke relief deya jaga aro dosura party programmes thaka jai ase,” koikena Das para janaishe. “Law minister Ratan Lal Nath para koishe ke, Tripura te law aro order halat toh bhal hoishe koikena ase, hoilebi etu neshina kam kora para toh tai laga nejor constituency laga nam beya kora ase,” Das para aro koishe. Etu harami khan para toh CPI(M) workers ke jodi ahiboli din te BP logot motob nakorili toh besi beya halat koriboli thami thishe aro Covid-19 bemari samai dukai manuh logot relief saman nathiboli janaishe. Das para aro koishe ke, political pressure thaka nemite police para be eku kam koribili napari, kali kara korikena sapoli ase. Etu incident toh CPIM para West District superintendent of police logot janai thishe.
CPI(M) workers laga ghor hamla korishe
