June 15, 2021. Assam, Kokrajhar district pithor Abhiyakuthi bosti te tui(2) jun maiki morikena thaka connection te Monday din Police para tuita(2) manuh ke thurishe koishe. Etu manuh laga nam toh Nasibul Ali Sk aro Forizul Rahman aro tai jun toh be Kokrajhar Police Station pithor Salbari bosti para ase koishe. Etu oper te aro Sunday din police para 5 jun manuh Hanif Ali, Jahanur Islam, Sankardev Barman, Mohd Atab Ali aro Muzammel Seikh ke eut case connection te thurikena ase. “investigation toh thik jaga te besi bhal para jai ase aro police logot konuba khobor be paishe. Criminal Investigation Department (CID) para etu investigation te motob kori ase” koikena Kokrajhar SP Prateek Thube para janaishe. Etu samai, 10-member CID team khan Monday din Abhiyakuti pongchise aro tuita(2) maiki mora oper te sai ase koishe. CID team toh SP Kangkan Jyoti Saikia para loikena mora ghor aro jaika toh jaikena saishe koishe. Guwahati para Forensic Science Laboratory para 3 member team aro senior scientist Partha Pratim Dev Sarma toh CID team logot ahishe. Saikia para janaishe ke, Etu case oper te sob bhal para jai ase aro dosura khobor thiboli mana korishe. Sarma para aro janaishe ke, tai khan jaikena spot toh saishe aro locals khan logot be khobor loikena ase koishe.
Minor bacha mora cases te aro 2 jun thurishe
