June 15, 2021. Arunachal Pradesh te 24 gonda pithor Covid-19 bemar toh 366 notun positive cases thurishe koishe. Etu khobor toh Arunachal Pradesh laga health directorate para janaishe. Sobse notun Covid-19 bulletin hesab te directorate of health services para janaishe ke, Aurnachal Pradesh te 6,370 test kora te etu Covid-19 cases thura ase koishe. Notun cases pithor te 120 cases toh symptomatic ase aro 246 cases toh asymptomatic ase koikena janaishe. 24 gonda pithor te 356 bemari manuh khan bhal hoishe. Itya dak Arunachal Pradesh te 31,648 manuh logot Covid-19 positive tested thurikena ase aro 28608 manuh Covid-19 bemar bhal hoikena ase. Arunachal Pradesh te Covid-19 bhal howa rate toh 90.39% ase. Arunachal Pradesh te itya sob melaikena 2,889 active Covid19 cases ase. Monday din dak te state laga positive rate toh 9.13% ase. Arunachal Pradesh te Covid-19 bemari para 151 manuh laga jevan jaikena ase. Monday din dak te Covid-19 bemar para manuh mora rate toh 0.48% ase.
