AIIMS te 6-12 umer logot Covaxin trial soruh

June 15, 2021. Bharat Biotech’s vaccine Covaxin clinical trial toh umer 6 para loikena 12 umer logot aji para AIIMS te soruh hoboli ase koishe. Etu beche te bacha umer 2 para loikena 6 umer logot aro clinical trial loboli janaishe. Etu laga trail toh tinta(3) parts thakibo- umer 12 para 18, umer 6 para 12 aro 2 aro 6 umer, 175 volunteers thakibo. Etu trail samai vaccine toh intramuscular route hesab te tuita(2) doses toh din 0 para 28 din dak te thibo aro trail toh 525 centres te loboli ase koishe. Etu akhe te, volunteers bacha khan enrolment 12 umer para 18 umer toh All India Institute of Medical Sciences (AIIMS) te Covaxin first dose thishe. “bacha khan pithor te Covaxin clinical trial recruitment process toh umer 6 para 12 umer dak toh Tuesday din para soruh koriboli ase, koikena AIIMS te Centre for Community Medicine  laga Professor, Dr Sanjay Rai para PTI logot janaishe. Drugs Controller General of India (DCGI) para Bharat Biotech’s Covaxin phase 2/3 clinical trial toh bacha umer 2 para loikena 18 umer dak nemite May 12 darik te manikena as ease koishe. Covaxin toh Bharat Biotech aro Indian Council of Medical Research (ICMR) melaikena bona laga ase aro etu vaccine toh desh te COVID-19 vaccination drive samai jolai ase koishe. Vaccine clinical trials toh bacha nemite safety, reactogenicity aro immunogenicity ase koishe. Government para olop din akhe te koikena ase ke, COVID-19 bemar toh itya dak te toh bacha oper te besi serious nai hoilebi etu bemari virus toh spread koikena najabo nemite tayar thakiboli lage koishe. National expert group ekta bonaikena bacha khan nemite COVID-19 cases sai thakibo ase, koikena NITI Aayog Member (Health) V K Paul para press conference te janaishe.