June 16, 2021. Mizoram chief minister Zoramthanga para janaishe ke, tai laga government para state te Myanmar manuh bohi thaka nemite motob koribo nemite poisa sanctioned korishe. Myanmar nationals khan nemite Central Young Mizo Association (CYMA) leaders logot kotha kora samai, CM Zoramthanga para koishe ke, state government para etu kam nemite fund thikena ase, koikena statement te janaishe aro etu poisa toh joldi released hoboli ase. Chief minister para aro Central Young Mizo Association (CYMA) leaders logot janaishe ke Myanmar manuh kaun khan sate te bohi ase, tai khan nemite humanitarian grounds te motob kori thakibo. Tai para aro leaders ke koishe, state government para Centre ke Myanmar nationals logot motob thibo nemite kotha koikena ase. March moina te Zoramthanga para Prime Minister Narendra Modi logot letter te Myanmar manuh kaun khan Mizoram te ahikena ase etu manuh khan ke motob aro bohiboli ghor thiboli koikena ase. Tai para aro Centre logot 4 northeastern states- Mizoram, Manipur, Nagaland aro Arunachal Pradesh te Myanmar jaga para manuh illegal ahi thaka toh mana koriboli koishe. Tai laga letter te, chief minister para koishe ke, Myanmar te Chin manuh dukh hoi thaka toh Mizoram toh shanty bohiboli napari, keli koile Myanmar aro Mizoram manuh khan toh puila para eke ancestry share kori ahishe aro Mizos khan logot ethnic ties ase janaishe. Myanmar para 9,247 manuh neshina te aro Chin state chief minister Salai Lian Luai toh be military coup howa beche Mizoram te ahikena bohi ase, koikena etu khobor toh senior police officer para janaishe. Aung San Suu Kyi’s party laga 24 lawmakers, National League for Democracy (NLD) khan be Myanmar nationals ase kaun khan state te ahikena bohi ase koishe. Myanmarese nationals khan logot civil society organisations aro student bodies para ghor aro khana thikena ase aro besi wala toh locals laga ghor te bohi ase. Mizoram te manuh ahikena thaka besi wala toh Chin community para ase. Luai kaun ke 2016 saal te Chin state laga chief minister junikena ase, tai be international border crossed hoikena Monday rathi Champhai town te ahikena ase, senior police officer para janaishe. Mizoram state para Myanmar logot a 510 km international border share hoikena ase.
