June 16, 2021. Tuesday din te Agnibhasha, Tripura Panisagar sub-division pithor te accident eka howa te maiki manuh ek jun morishe aro tai laga bhai toh besi beya para jokom paishe koishe. Etu accident toh Agnibhasha te ambulance aro bike laga-laki hoishe. Mora manuh laga nama toh Joni Charui 32 umer thakishe. Tai laga bhai Nianoibul Charui, 27 umer toh matha aro theng jokom hoikena Dharmanagar district hospital te admitted hoikena ase. Joni toh besi duhkai family, Halam Basti jaga para ase koishe. Tai toh nursing course kotom howa beche, job nemite Tripura health department te applied hoikena thaka interview thiboli jai thaka samai accident howa ase. Covid-19 bemari thaka nemite inter-state communication mana ase, tai logot poisa nathaka nemite car hire koriboli parai nai, opai nathaka nemite tai laga bhai logot bike para Agartala te Tuesday 4 am interview nemite jai thaka accident hoishe. Tai jun laga bike para toh ambulance logot lakishe aro tai spot te morishe. Etu beche joldi te Police aro ghor manuh khan spot toh pongchise. Tai laga body toh autopsy nemite putaishe aro police para etu oper te case registered korishe.
Tripura: Panisagar accident te 1 jun morishe
