June 16, 2021. Meghalaya laga Senior doctor, Dr Sanjay Kumar Barman toh COVID-19 bemar para morishe. Dr Sanjay Kumar Barman para Meghalaya Government te radiologist kam kori thakishe, tai mora samai 70 umer thakishe. Tuesday din tai North Eastern Indira Gandhi Regional Institute of Health & Medical Sciences (NEIGRIHMS) para mori jaishe. Dr Barman toh Laitumkhrah, Shillong te boha manuh ase. Tai toh Meghalaya Government pithor te senior radiologist te retired hoishe. Dr Barman para MBBS toh 1980 saal Guwahati Medical College Hospital te kotom kora ase. Tai para aro 2006 saal te olop samai nemite AIIMS te CT training be loishe. Dr Barman toh Meghalaya Government services te retirement howa beche, tai aro Ramakrishna Mission Clinic in Shillong te kam korishe aro etu beche Guwahati te 10 saal kam korishe. Dr Barman para jarikena jowa manuh toh tai laga maiki Baby Pohti aro tuita(2) chokra-
Sanjeev aro Sujoy ase.
