June 17, 2021. Assam Cabinet para state te 4 notun forensic laboratories kuliboli fesla korishe. Etu fesla toh State Cabinet meeting te Assam chief minister Himanta Biswa Sarma para chaired kora te junaishe. Assam Cabinet para fesla lowa te, chief minister Himanta Biswa Sarma para tai laga Twitter handle te lekishe ke, notun forensic laboratories toh Dibrugarh, Silchar, Tezpur aro Bongaigaon te kuliboli ase koishe. Etu forensic laboratories toh Dibrugarh Assam Medical College & Hospital, Silchar Medical College and Hospital, Tezpur Medical College & Hospital aro Bongaigaon Civil Hospital te kuliboli ase koikena , chief minister para janaishe. “aji cabinet te sobse tangor fesla lowa toh 4 Forensic Laboratories toh Assam Medical College & Hospital, Dibrugarh; Silchar Medical College & Hospital; Tezpur Medical College & Hospital aro Bongaigaon Civil Hospital,” te kulibo, koikena chief minister Sarma para junaishe. Directorate of Forensic Science, Assam (puila te Forensic Science Laboratory, Assam thaka) toh Shillong te bonaikena thakishe. Etu bonaikena tui(2) saal beche Guwahati te shift korishe. Puila saal te, forensic laboratory toh Director General of Police, Assam pithor te kam kori thakishe. Dosura alag Directorate of Forensic Science toh administrative control of home department of Assam pithor te 2005 saal te bonaishe aro etu beche alag hoikena soruh korishe. Forensic science toh criminal justice system nemite besi important ase aro koishe. Forensic science para itya laga sobse notun science & technology toh investigating agencies khan logot thikena besi bhal para crimes toh investigation kamyaab hoi koishe. Etu notun forensic laboratories para alag-alag crimes toh joldi kamyaab hobo koikena bapana ase.
Assam te 4 forensic laboratories bonaboli fesla
