Human trafficking te 4 jun Rohingya thurishe

June 19, 2021. Uttar Pradesh Police’s Anti-Terrorism Squad (ATS) para 4 jun Rohingya manuh thurishe, tai khan toh India te illegally bohi thaka Meerut para Friday din thura ase koishe. Police para koishe ke, etu manuh khan para human trafficking syndicate kam kori thakishe aro etu oper te government documents chor korikena kam kori thakishe. Etu manuh khan laga nam toh Hafiz Shafiq alias Shamiullah, Azizul Rahman alias Aziz, Mufizur Rehman alias Mufiz aro Mohammad Ismail ase aro tai khan sob toh Myanmar manuh ase aro Meerut te bohi thaka ase koishe. Police para janaishe ke, tai khan laga hath te tinta(3) United Nations High Commissioner, Refugees cards, tinta(3) cellphones, chor kora laga ekta Aadhaar Card, tuita(2) passport copies, laptop, pendrive aro dosura documents be hath te thakishe koishe. Police laga khobor hesab te, olop din akhe UP te human trafficking syndicate kam kori thaka laga complaints paishe. Etu manuh khan para dosura Rohingyas aro maiki manuh khan Myanmar para India te illegally ahiboli motob kori thakishe. Police para aro janaishe ke, syndicate members khan toh Rohingya community para ase aro tai khan para mesa-mesi documents neshiana- Aadhaar, voter cards aro passports bona te samil ase koishe. Etu groups khan para aro Rohingyas manuh nemite business establishments te kam te thali thikena, tai khan laga salary para commission loi, koikena police para aro koishe. Etu manuh khan oper te jodi smuggling kam be kori ase naa nai investigate loi ase koikena police para aro khobor toh janaishe.