AIIMS director: India te 3rd wave ahiboli ase

June 19, 2021. India te Covid-19 bemari 3^rd wave toh 6-8 hafta beche ahiboli neshina ase koikena AIIMS director Dr Randeep Guleria para khobor toh janaishe. Dr. Guleria para predicted kora hesab te virus 3^rd wave toh India te aha 6-8 hafta beche lakibo, ND TV para khobor toh janaishe. “itya ami khan para unlocking soruh hoishe, hoilebi Covid-neum toh najolai. Ami khan para 1^st aro 2^nd wave te ke hoishe etu nejani, itya be manuh jama kora soruh hoishe. National level te cases toh aro othiboli samai asti lobo. 3^rd wave toh thikana nai aro 6-8 hafta beche hoboli nahoile etu beche hoboli parey,” Dr Guleria para kowa toh ND TV para janaishe. Etu kotha toh Delta Plus Covid variant thura beche ola ase koishe. Etu hafta olop din akhe, New Delhi te scientists para janaishe ke, India te 1^st thura highly transmissible Delta variant of SARS-CoV-2 toh Delta Plus’ nahoile ‘AY.1’ variant te putli hoishe koishe. Delta variant toh desh laga jaga sob te virus 2^nd wave samai Covid bemari besi othi-thaka nemite howa ase koishe. India te 24 gonda samai, 60,753 notun coronavirus bemari thurishe aro 1,647 manuh etu bemar para morishe. Sobse notun khobor hesab te India te itya Covid casesload toh 2, 98, 23,546 hoikena ase aro manuh mora toh 3, 85,137 te othikena ase janaishe.