Dubai: Sunday din te Aviation giant Emirates para janaishe ke, India para flights toh aha hafta para aro soruh hoikena peraboli janaishe, etu fesla toh Dubai te coronavirus cases ban thaka toh hatai deya nemite ase. United Arab Emirates, te Dubai para India laga sob flights aro transit passengers melaikena April moina te novel coronavirus bemar pheli thaka nemite bondh korikena ase. “ami khan para South Africa, Nigeria aro India laga passengers khan loikena paraboli toh June 23 darik para soruh koribo, koikena Emirates para statement te janaishe. Saturday din Dubai para janaishe ke, kali India laga passengers kaun khan logot valid residence visa ase aro kaun khan UAE-approved vaccine tuita(2) doses loikena ase,” etu khan ekla ke emirate te peraboli thibo. Etu passengers khan logot aro within 48 pithor depature samai negative PCR test lakibo aro departure laga 4 gonda akhe rapid test aro arrival samai PCR test “institutional quarantine” te result napa dak thakibo. Dubai authorities para transit passengers nemite rules toh janai deya nai aro Emirates para transit passengers khan ke Dubai hoikena third nations te peraboli thibo naa nai eku janai deya nai koishe. Etu ban nakora akhe te UAE aro India pithor te 300 flights neshina perai thaka toh April moina te bondh koriboli junaishe koikena local media para koishe. UAE laga desh toh 3.3 million Indians manuh laga ghor neshina ase aro tai khan para third population othaikena besi wala toh Dubai te thaki ase. Konuba Indians khan toh coronavirus bemari othi-thaka samai pasikena thaka manuh para private jets hired korikena UAE jaishe, etu ban samai private jet toh peraboli mana thaka nai koishe.
Add Comment