J&K: 3 LeT terrorists aro top commander morishe

New Delhi: Monday din Sopore,  Jammu & Kashmir’s Baramulla district te komti hoilebi tinta(3) Lashkar-e-Taiba (LeT) terrorists aro top Commander Mudasir Pandit ke security forces logot larai kora samai morishe koishe. Olop din akhe etu terrorists khan para tinta(3) policemen aro dosura 4 jun ke marikena thakishe. Encounter kora laga kotha kora te Inspector General of Police Kashmir, Vijay Kumar para koishe ke, “Top LeT terrorist Mudasir Pandit para olop din akhe  3 policemen, 2 councillors aro 2 civilians ke morai deya te samil ase aro dosura besi Sopore encounter te terror kam kori thaka ase,” koishe. Pandit logo taro dosura tui(2) jun terrorists ke be security forces para moraishe. March 29 din te Sopore Police logot khobor paishe ke, SDH Sopore osor jaga te terror crime incident howa te terrorists khan para municipal councilors ke hamla korishe, etu khobor honikena Senior police aro CAPF officers khan joldi para terror crime jaga te pongchise. “Preliminary investigation hesabte terrorists khan para Lone Building opposite SDH Sopore te andaz para  Municipal Councillors oper te goole marishe aro tui(2) jun Municipal Councillors Reyaz Ahmad Pir aro Shams-ud-din Pir aro police personnel Shafqat Nazir toh jokom paishe. Hoilebi, jokom powa manuh pithor te Councillor Reyaz Ahmad aro and police personnel Shafqat Ahmad toh mori jaishe,” koikena police laga statement hesab te janaishe.