Andhra Pradesh te record 12.56 lakh manu vaccine loishe

June 21, 2021. Sunday din Andhra Pradesh te record ekta bonaikena Mega Covid vaccination drive pithor te 12.56 lakh oper manuh ke vaccine thishe, health authorities laga bapana te ekta jaga te eman vaccine lowa toh record ase koishe. Sunday 6 Pm dak, State te sob melaikena 12,56,215 manuh logot coronavirus vaccine loishe. Etu kam kora te state te coronavirus vaccine first dose lowa toh 1 crore mark pongchise. Itya dak state te 1.10 crore manuh logot first dose loikena aro second dose 27.29 lakh manuh para loikena ase, etu January 16 darik para Covid-19 vaccination programme soruh kora beche ase koishe. Mega Vaccination Drive te 45 umer manuh logot focus korikena Ama aro bacha 5 saal umer dak logot 6 Am para soruh hoikena state laga 13 districts pithor te 2,200 jaga te loishe koishe.