Agencies, 22 June: Ekta Mizoram minister para tai laga constituency te besi bacha khan thaka parent ke ₹ 1 lakh cash incentive debole janaishe. Tai para etu toh demographically horu Mizo communities majote population growth encourage koribole nemite ase koise.
Sports Minister Robert Romawia Royte para bacha laga minimum number toh kowa nai. Tai para etu janaideya toh besi Indian states te population control policy te advocate kora samai te ase.
Sunday din Father’s Day laga occasion te Mr Royte para tai para tai laga Aizawl East-2 assembly constituency pithor te besi bacha thaka parents ke ₹ 1 lakh laga cash incentive debole janaishe.
Monday statement te minister para be tai khan ke ekta certificate aro ekta trophy debo koise. Aro incentive laga daam toh tai laga bacha laga construction consultancy firm para debo koise.
Minister para Mizo population te infertility rate aro growth rate nama toh ekta serious monn chinda hobole laga ase koise.
Tai para be Mizoram toh population nami thaka nemite development laga alak alak fields te manu khan attain koribole napoja ase koise. Komti population toh serious issue ase aro horu communities nahoile tribes Mizos nesana nemite survive aro progress te dekthari ase koise.
Mizoram toh alak alak Mizo tribes nemite khor ase. Tai para konbah churches aro influential civil society organisations- Young Mizo Association nesana toh baby boom policy te advocate kori ase koise. Etu toh state laga jaga te population growth encourage koribole nemite ase koise.
2011 census te Mizoram laga population toh 1,091,014 thakise. State te approximately 21,087 square kilometres jaga toh cover kori. Aro khali 52 persons per square kilometre thaka logote, Mizoram toh desh te Arunachal Pradesh bechite second sobse komti population density ase koise. Arunachal Pradesh te population density 17 persons per sq km ase koise. National average toh 382 per sq km ase koise.
Hoilebe Mizoram laga neighbour Assam toh alak rasta te ase. Recently Assam Chief Minister Himanta Biswa Sarma para tai laga government toh state para certain schemes fund kora pithor te laab pabo nemite two-child policy asti para bonabole janaideya thakise.
2019 te state administration (Assam) para kon tuita para opor bacha khan ase tai khan January 2021 para government jobs nemite eligible nahobole fesla kora thakise.
Assam te aji kali panchayat polls te contest koribole nemite two-child norm logote tusara requirements toh ase.
Sunday te Uttar Pradesh Law Commission Chairman Aditya Nath Mittal para population otha te sabo laki kowa thakise kelay koile state te etu para dekthari bona nemite.
Add Comment