China de jaa bechide Interpol’s president haraise

Agencies 5 October: China de jaa bechide international police group , Interpol laga president harai kena ase koise. French judicial official pora kowah toh, Friday din Meng Hongwei’s laga maike pora tai logode haraijaise koi kena khobor janaise. Official pora kowah toh, Interpol chief toh September last direk phalli China de ponjise. Etu bechide tai laga eku khobor na-powah hoise koise. 64-sal Meng Hongwei logode Interpol laga president karni November 2016 de juna thakise. Tai resign hobole laga last direk toh 2020 tak ase. China de lamba hapta public holiday thaga time deh Meng’s haraija de investigate koribole khobor toh olaise. Beijing deh, foreign aro public security ministries toh Friday din hutha de eku jawab na-diya thakise.