Aizawl central jail te aro 19 jun Covid(+v) thurishe

June 24, 2021. Aizawl central jail te aro 19 manuh logot Covid-19 bemari toh thurishe, etu melaikena 1 din pithor te 226 cases hoishe aro Thursday din dak te positivity rate toh 7.20 per cent hoishe, koikena health officials para janaishe. Wednesday din te central jail te 103 prisoners khan logot bemar toh thurishe, koikena khobor toh officials khan para junaishe. Itya central jail te 160 Covid-19 bemar manuh bohi ase. Tai para aro koishe, state te 24 gonda pithor Covid bemar para 1 jun morishe, etu melaikena 86 manuh morishe. Mizoram te Covid-19 bemar toh 18,624 ase aro 4,442 active cases hoishe, etu oper te 14,096 manuh bemar bhal hoikena ase. 226 notun cases te, Aizawl district te 140 cases ase, Kolasib district te (37) cases, Lunglei district te (31), Siaha district te (8), Hnahthial district te (5), Lawngtlai district te (3), Serchhip aro Kolasib districts te 1 case ase koikena officials para janaishe. Zoram Medical College te RT-PCR laboratory para 41 notun cases thurishe, TrueNat laboratories para 12 cases paishe aro dosura 170 cases toh Rapid Antigen Test para alag-alag districts te thurishe koishe. 54 children, 2 frontline workers aro 1 jun Border Security Force BSF (BSF) jawan logot be thurishe. 6 jun manuh logot travel history ase aro baki dosura 220 manuh khan logot virus toh locally thura ase koishe. 226 bemar manuh pithor te 116 toh Covid-19 symptoms paishe, officials para janaishe. Notun cases toh 24 gonda pithor te 3,136 samples tested kora te paishe. Itya dak state te 4,65 lakh Covid  samples korikena ase. Coronavirus bemar manuh pithor te bhal howa rate toh 75.68 per cent te ase aro manuh mora rate toh 0.46 per cent ase. State immunisation officer Dr Lalzawmi laga khobor hesab te .37 lakh manuh khan Wednesday din dak te vaccine loikena ase aro etu pithor te 53,892 manuh khan logot tuita(2) Covid-19 vaccine doses loikena ase koishe.