NIA para raids Shiv Sena leader laga NGO check korishe

Mumbai: National Investigation Agency para Shiv Sena leader & former ‘encounter specialist’ of Mumbai Police, Pradeep Sharma laga NGO, PS Foundation koikena Mumbai te check kori ase koikena khobor toh news agency ANI para janaishe. Olop din akhe June 17 darik te, Pradeep Sharma ke Mumbai police para Antilia bomb scare aro Mansukh Hiren murder case connection nemite tai ke thurishe aro tai laga ghor be check korishe koishe. Jowa moina NIA para Mumbai Police Crime Branch laga Inspector, Sunil Mane ke tai etu cases te samil thaka nemite thurishe. Reliance Industries Chairman Mukesh Ambani laga ghor Antilia, Mumbai te February 2 darik te gari ekta te bomb raki deya laga prime accused ke NIA para olop din akhe te thurishe. Waze ke toh aro Mansukh Hiren, gari malik ke morai deya nemite samil ase aro tai laga gari toh Antilia bahar te bomb rakina thakishe. Waze toh Mumbai Police laga Crime Intelligence Unit (CIU) te API ase aro tai ke etu saal May moina te kam para hataishe.