Notun Navi Mumbai International Airport toh Adani group para jolabo

June 24, 2021. Wednesday din Maharashtra government para Adani Airport Holdings Ltd (AAHL) toh Navi Mumbai International Airport hoikena Thane-Raigad jaga te pera soruh koribo, koikena official khan para junai thishe. Chief Minister Uddhav Thackeray pithor te state cabinet para fesla loikena AAHL toh notun concessionaire hoikena greenfield airport toh public-private partnership (PPP) project hoboli green signal thishe. Puila te etu airport toh GVK para bonaikena Mumbai International Airport Ltd (MIAL) para jolaboli thakishe, hoilebi jowa saal AAHL para loishe aro etu same toh Directorate of Civil Aviation, Airports Authority of India, SEBI, CCI aro CIDCO para mega-project toh manishe. Etu nemite AAHL toh industrial magnate Gautam Adani para headed hoikena sobse tangor private airport operator hoikena tangor airport neshina- Mumbai, Navi Mumbai (upcoming), Ahmedabad, Lucknow aro etu oper te tinta(3) ahiboli din te bonaboli ase. AAHL toh Enterprises Ltd (AEHL) nejor laga ase aro notun airport pithor te tagnor kam koriboli ase aro 26 per toh AAI laga ase koishe. Navi Mumbai International Airport toh 1,160 hectares mathi te bonabo ase. Bapana hesab te 2023-2024 saal te kam soruh hobo aro desh laga sobse tangor domestic aro international flights airport thakibo ase koishe.