Australia deh ekjun manu saab pora kamura karne morise

Sydney, 05 October: Friday deh authorities pora janaideya hesab de, ekta jawan British manu sea laga saab (snake) pora kamura karne morise koise. Australia’s northern coast deh British manu toh naoka pora mash thuri thaga time de kamura ase koise. Northern Territory Police pora janaideya hesab deh, 23-sal manu toh Thursday din net (phashi chaal) dani thaga time de kanura ase. St John Ambulance operations manager Craig Garraway pora Northern Territory News deh janaideya hesab deh, paramedics (dawai deya khan) toh hatsa howah jaga de pongja thakise. Hoilebe paramedics khan pongja time de manu toh mori kena paise koise. Police pora British embassy khan mora jani paise aro post-mortem examination koribole ase koise. 70 laga deh 30 sajana sea saab toh Australia de. Sea saab toh ektum poison ase. Hoilebe tai khan pora manu ke hamla nakori aro tai khan ke disturb nakora tak hamla nakori. Marine Education Society of Australasia pora janaideya hesab deh, sea laga saam pora mash thura khan ke kamura toh hone thaki. Hoilebe manu khan sea saab pora kamuri kena mora toh olob he ase koise.  Khobor hesab deh, Australian pani pora kamuri kena manu mora purana record toh nai.