Bengaluru: Bruhat Bengaluru Bengaluru Mahanagara Palike (BBMP), city corporation laga former BJP councilor ke tai laga ghor osor Cottonpet te jagu pra moraishe, koikena police para khobor toh janaishe. Rekha Kadiresh, 46 umer ke Kempe Gowda Institute of Medical Sciences (KIMS) te loikena jaishe hoilebi pachaboli parai nai, koikena police para koishe. Tai ke morai deya toh purana enmity thaka nemite suspected korishe. Additional Commissioner of Police S Murughan, laga khobor hesab te, Rekha toh food kits thika samai, tuita(2) motorcycle para youths konuba para tai oper te 10. 30 AM samai hamla korishe. “ami khan para investigations toh full swing te jai ase aro besi joldi etu manuh khan ke thuribo,” koikena Murugan para reporters logot koishe. Police para koishe ke, tuita(2) tai laga ghor bahara te tuita(2) CCTV cameras installed korikena thaka toh ula korikena thakishe, etu nemite eku saboli parai nai. Tai laga motha ke be February 7, 2018 saal te tuita youth para morai thishe. Party office-bearers khan para koishe, Rekha toh 2015 para 2020 saal dak Chalavadipalya ward para represented korishe. Etu hamla kora nemite Chief Minister B S Yediyurappa para koishe ke Bengaluru police Commissioner Kamal Pant logot kotha koishe. “olop saal akhe tai laga motha ke be morai thishe. Ami khan para 24 gonda pithor te etu hamla kora manuh khan ke thuribo,” koikena Yediyurappa para janaishe. Etu hamla howa toh political twist BJP leader aro former councillor N R Ramesh pithor te Chamarajpet assembly constituency te Congress MLA B Z Zameer Ahmed Khan represented kora te safe nai koishe.
Add Comment