Goa te Maharashtra para aha manuh logot screening loishe

Panaji : Goa government para kaun manuh khan Maharashtra state para ahi ase, etu manuh khan logot screening lowa soruh hoishe, besi bakh toh southern Sindhudurg district para aha khan nemite, keli koile etu jaga te Delta Plus variant cases thurikena thaka nemite, etu khobor toh Friday din Chief Minister Pramod Sawant para juani thishe. “ami khan para Maharashtra state para aha khan logot screening kora soruh hoishe aro Sindhudurg para aha khan logot besi strict kori ase, keli koile etu jaga te Delta Plus variant cases thurikena thaka nemite. Kaun manuh logot symptoms suspects ase, tai khan ke isolating kora soruh kori ase. Ami khan para aro border te labs bonai ase, etu jaga te bahar state para aha manuh khan nemite ase,” koikena Sawant para reporters logot state Bharatiya Janata Party headquarters Panaji te khobor toh janaishe. Tai laga social media page te Health Minister Vishwajit Rane para aro koishe ke, tai aro Sawant melikena “gorund laga halat toh hotai samai saikena thaki ase”, koishe. “osor states te Delta Plus variant cases thurikena thaka nemite, ami khan para border te manuh aha-jowa kori thaka toh besi bhal strict te sai ase. “CM Pramod Sawant para olop din akhe te etu kam nemite instructions thikena ase. Ami khan para state pihtor te variant cases rokaboli nemite borders te Goa state para aha manuh khan ke be rokai ase,” Rane para koishe, hoilebi itya dak Goa state te Delta Plus variant cases laga khobor eku nai koishe.