Palu, 05 October: Friday deh official pora janaideya hesab de, Indonesia de mathi heli kena tsunami pora manu mora 1,571 hoise. Aro manu khan toh 1,000 opor de harai kena thakibo pari koise. Khor kan besi keri (fall) kena thaga pora be manu khan besi mori kena ase pari koi-kena bhoi khai ase. UN pora be hatsa howah jaga de 200,000 nesana manu logode humanitarian motob koribo lagibo koise. Kunbah rasta khan be bondh kori kena ase aro manu khan aro-mathi helibo pari phoi pora phal de camps bonai kena homai ase. Pahar desh laga motob de namani kena thaga bechide Indonesia eman kushi napai kena foreign motob de manise. Pura duniya laga saman bokhi kena thaga 20 planes de tarpaulins, medical equipment aro generators be melikena ase. Australia government pora Britain government toh supplies koribole ori ase, United Nations pora be $15 million motob koribole wada korise aro Save the Children aro Red Cross nesana group khan be motob koribole daiyar de ase.
Indonesia hatsa deh 1,571 manu mori kena ase
Add Comment