Centre: Pregnant maiki vaccine loboli paribo

New Delhi: Union Health Ministry para janaishe ke, pregnant maiki khan COVID-19 kelaaf te vaccine loboli paribo. Press conference samai Union Health Ministry laga nam te Indian Council of Medical Research (ICMR) Director-General Dr Balram Bhargava para koishe ke, “Ministry of Health para guidelines thikena pregnant maiki khan vaccine loboli paribo.” “ vaccine toh pregnant maiki manuh nemite besi bhal ase,” koikena Dr Bhargava para janaishe. Dr Bhargava para koishe, bacha khan logot COVID-19 vaccine thiboli toh itya be kotha kori ase, data napa dak roki thakiboli koishe. “itya dak te kali ekta country para bacha logot vaccine thikena ase. Chotu bacha logot vaccine thibo naa nai sawal kori ase, ICMR director para koishe. “hoilebi, ami khan para 2-18 umer dak nemite study kora soruh hoishe aro etu result toh September moina te bapo,” tai koishe. Conference samai, Director of the National Centre for Disease Control (NCDC) Dr SK Singh par koishe ke, sob melaikena Delta Plus variant COVID-19 coronavirus 48 cases toh desh te thurikena ase. Dr Singh koishe, “8 states te 50 per cent variant bapana ase, etu states toh- Andhra Pradesh, Delhi, Haryana, Kerala, Maharashtra, Punjab, Telangana, and West Bengal.” “Covidshield aro Covaxin para variants SARS CoV 2 — alpha, beta, gamma aro delta logot kam kori ase. Delta Plus toh 12 countries te thurikena ase. 48 cases neshina toh India te paikena ase hoilebi sobse tangor kotha toh, etu toh localized hoishe,” koikena Dr Bhargava para Delta Plus variant COVID-19 khobor toh janaishe. Delta Plus or AY.1 toh hotai din nemite variant of concern (VoC) thakibo, keli koile etu Delta variant (B.1.617.2) para howa nemite. Etu samai, Union Health Ministry laga Joint Secretary, Lav Agarwal para koishe ke, itya recovery rate toh 96.7 per cent hoishe.