July 1 para locals nemite Char Dham Yatra kulibo

Dehradun: Friday din Uttarakhand Cabinet para fesla korikena locals nemite Chardham yatra toh limited number te July 1 darik para kulibo janaishe. Cabinet laga fesla nemite kotha kora te, state government’s spokesman Subodh Uniyal para koishe ke, Kedarnath, Gangotri aro Yamunotri toh Chamoli, Rudraprayag and Uttarkashi districts laga manuh nemite July 1 darik para kulibo aro etu samai hotai din temples te visit toh limited number thakibo. Etu samai negative RT-PCR/Rapid Antigen test report toh aniboli mandatory ase aro pilgrim khan para temples visit kora samai SOPs maniboli lage koikena, dosura kotha ekta te Uniyal para janaishe. 4 Himalayan temples te senior official appoint korikena district administration logot melikena pilgrims khan nemite arrangement koribo. Sawal ekta kora te jodi kowa neshina desh pura laga manuh nemite July 11 darik te fesla kora neshina pilgrims nemite kulibo naa nai hota samai, spokesman para etu sob toh Covid halat oper te ase koikena janaishe. “predictions hesab te bemari Delta mutant 3^rd wave toh ahiboli ase aro etu kam toh saikena desh pura nemite yatra kuliboli toh fesla loboli ase koishe. Cabinet pithor te aro ek paar etu nemite meeting koriboli ase,” Uniyal para koishe.