State ke Class 12 results July 31 dak te olaboli koishe

New Delhi: State boards para Class 12 exams nemite internal assessment scheme bonaikena results toh July 31 darik te junai thiboli, aji Supreme Court para janaishe. Internal assessment kam toh aji para soruh  hoikena 10 din pithor te dak te kotom hoboli top court para koishe. Etu moina olop din akhe te Supreme Court para CBSE and CISCE boards ke tui(2) hafta thikena students  khan nemite alternative assessment criteria koriboli koishe. State boards neshina CBSE aro CISCE pithor te main exams loikena thaka toh July 31 darik dak te junai thiboli lage koishe. Tuita(2) boards para be jowa hafta evaluation criteria submit kora te top court para approved hoikena “fair aro reasonable” ase koikena janaishe. “CBSE aro ICSE schemes te interfere koriboli eku kam nai,” court para koishe aro Class 12 laga compartment exams cancel koriboli mangkai toh reject korishe. Konuba parents aro students khan para physical examination nemite option mangkai toh rejected korishe. Itya dak 21 states te Class 12 board exams toh cancelled hoikena ase aro 6 para Class 12 board exams toh loikena ase. Olop din akhe te Supreme Court para states logot notice issue kora te board exam toh cancel hoboli ase. Lakhs neshina students aro parents khan para Prime Minister Narendra logot lekikena desh pura te Coronavirus cases othi-thaka nemite exams toh cancelled koriboli koikena ase. Class 10 exams toh cancelled hoishe aro Class 12 nemite cancelled nakora akhe te postponed korishe. Prime Minister Modi para koishe ke, “students laga health aro safety toh sobse important ase aro tai khan nemite eku compromise koriboli nai,” koikena Prime Minister’s Office (PMO) para PM Modi laga kotha toh janaishe.