AIIMS New Delhi emergency ward te jui olaishe

June 28, 2021. Monday din All India Institute of Medical Sciences (AIIMS) New Delhi, laga main emergency ward te jui olaishe, hoilebi khobor hesab te etu inident te kaun manuh be jokom powa nai koishe. Firefighters khan joldi te jaga toh te jaikena jui toh komti samai te bondh kori thishe. Delhi fire department para kowa media para janaishe ke, etu jui toh Monday pujur 5 am samai olaishe. Jui toh gonda pithor te bondh korishe, koikena fire department para janaishe. Bemar manuh khan jui ola jaga para othaikena dosura jaga te luikena jaishe. Jui toh All India Institute of Medical Sciences (AIIMS) New Delhi laga education room jaga te be olaishe, jui toh kenaka olaishe sai ase koishe. Officials para janaishe ke, jui ola toh investigation kori ase. Olop hafta akhe te jui toh Convergence Block laga 9^th floor te be thurishe. Hospital laga Convergence Block ghor toh diagnostic laboratories aro examination sections te be thurishe, hoilebi kaun manuh be jokom powa nai aro hospital laga floor toh joldi para kali korishe. Khobor para aro janaishe ke, jui toh 9^th floor te refrigerator para short circuit hoikena ola ase koikena janaishe.