Odisha CM para landless farmers nemite Rs 386 crore junaishe

Bhubaneswar: Wednesday din Chief Minister Naveen Patnaik para KALIA “Krushak Assistance Livelihood & Income Augmentation” Scheme pithor te mathi nathaka farmers nemite COVID-19 package Rs 386 crore bakh kori thishe koishe. State government hesab te, 18 lakh registered farmers khan etu scheme pithor te tai khan nejor laga bank accounts te poisa toh direct deposit koribo. Etu motob powa oper te, mathi nathaka farmer khan ke aro extra Rs 1,000 toh KALIA scheme pithor te installment hesab te paboli koishe. Etu occasion te kotha kora samai, Chief Minister Naveen Patnaik para koishe ke, “farmers, laborers aro hotai hajara kora manuh khan toh economy laga backbone ase koishe. Ami khan para mathi nathaka farmers para sacrifice kora toh respect kori aro tai khan nemite agriculture sector toh kamyaab hoikena jai ase. Etu nemite, ami para hotai samai MS Swaminathan Committee logot etu kam toh soruh hoboli demand kori ase aro etu kamyaab nahowa dak jai thakibo,” koishe. “COVID para economy besi beya hoikena ase. Ami khan laga economy toh first wave samai agriculture sector para pachaise. Second wave lockdowns para manuh besi laga jevan beya korishe, etu nemite state government  para COVID packages toh alag-alag manuh neshina farmers, laborers, street vendors, dairy farmers aro dosura khan ke thiboli junaishe,” tai koishe. KALIA scheme pithor te, registered korikena thaka farmers khan ke Sate te tinta(3) installments hesab te Rs 12,500 paboli ase koishe.