NLFT group toh Bangladesh te besi dukh thaki ase

July 1, 2021. National Liberation Front of Tripura (NLFT) toh Bangladesh te bohi ase aro besi joldi etu manuh khan para extortion aro kidnapping kam korikena jaboli ase koikena khobor para janaishe. Security agencies para report bona hesab te, NLFT toh poisa nemite besi duhk te bohi ase aro tai khan laga top leaders toh Bangladesh, Myanmar aro Mizoram te bohi ase koishe. Puila samai, NLFT khan besi duhk para thaki ase keli koile tai khan laga top leaders aro cadres surrendered korishe nahoile security forces logot larai kora samai besi mori jaishe. Khobor para janaishe ke, NLFT-BM laga top leaders aro etu group laga Secretary General – Utpal Debbarma, Finance Secretary – Sonadhan Debbarma aro Youth Affairs Secretary – Sachin Debbarma toh Bangladesh te bohi ase koishe. Dosura khobor ekta te, NLFT-BM’s Advisor – Biswa Mohan Debbarma aro President – Jacob Hrawngkhal toh Mizoram aro Myanmar te lokaina bohi ase koishe. Security agencies laga khobor hesab te, etu group khan besi duhk te thaki thaka nemite extortion aro kidnappings kam koriboli pareh. “tai khan laga cardres kaun olop din akhe Nabakchhara, Silchhari and Segunbagan camps in Chittagong Hill Tracts Bangladesh te training loikena ase, etu manuh khan para chor kam koribo neshina ase,” koikena khobor para janaishe. Ministry of Home Affairs (MHA) para 1997 saal te Unlawful Activities (Prevention) Act & Prevention of Terrorism Act (POTA) pithor te  NLFT ke outlawed junaikena ase.