Bihar accident te bacha 4 jun morishe

Muzaffarpur: Bihar te Muzaffarpur-Rewa National Highway te truck ekta besi speed para ahikena mara te 4 bacha ke mari thishe aro dosura 6 jun jokom paishe, koikena khobor toh police para janaishe. Etu truck para toh Muzaffarpur district, Sariya bosti te 8.30 am samai bacha khan ghor osor te keli thaka samai beche para ahikena marishe koishe. Jaga te tin(3) jun bacha mora laga nam toh Anita (4) umer, Manisha (5)umer , arp Golu (5)umer thakishe koikena police para khobor toh janaishe. Sariya Police station laga Station House Officer (SHO), Ravindra Yadav para janaishe ke, 4 jun wala bacha laga nam toh janiboli khobor kori ase koishe. Locals khan para kosa hoikena driver ke thurishe aro besi beya para marishe aro police laga hath te thishe, tai para koishe. Etu samai locals khan para highway toh bondh kora nemite olop samai nemite traffic toh disturb thakishe koishe.