Kaziranga National Park te section 144 CrPC junaishe

July 6, 2021. National Highway 37, Kaziranga National Park te flood samai janwar ke pachabo nemite, Bokakhat sub-division magistrate, Bipul Das para national park osor janwar corridor te section 144 CrPC junaishe koishe. Order para koishe ke, itya National Highway 37 te vehicles toh janwar corridor Panbari Bokakhat sub-division pithor aro Haldhibari te gari toh 40 km per hour oper te peraboli mana koribo. Etu mana kora oder toh besi joldi soruh hoboli koishe.Order te janaishe ke, heavy gari toh park osor hotel aro restaurants te park koriboli mana ase aro National Highway pura toh restricted jaga thakibo. Kaun manuh para etu order toh namanibo, administration para Indian Penal Code laga section 188 pithor te action loboli janaishe. Hotai saal flood samai, National Highway 37 te gari speed jowa nemite Kaziranga National Park laga janwar besi mora deya nemite ase koishe. Etu samai National Highway te gari besi speed para jowa nemite jawar ke marikena jai thaki koishe. Flood samai national park te janwar toh jaja bhal te ahikena bohi thaki aro hotai saal Kaziranga National Park te jawar toh 80% neshina rasta te olai thaki koishe.