Activist Stan Swamy anti-terror law te thurikena thaka mori-jaishe

July 6, 2021. Activist Stan Swamy toh jowa saal Elgar Parishad te anti-terror law pithor te thurikena thaka mori-jaishe. Stan Swamy toh 84 umer samai, Monday din Mumbai Hospital te morishe koikena khobor para janaishe. 84-umer- activist toh Sunday rathi tai laga halat beya howa nemite hospital te admitted korikena ventilation motob te thakishe. Activist Stan Swamy toh Mumbai jail te bohi thaka samai Bombay High Court te bail nemite filed korikena thakishe. Jowa saal tai ke, charges korikena  Unlawful Activities Prevention Act (UAPA) Act pithor te thurishe. Stan Swamy para Jharkhand te tribals nemite 5 decades neshina kam korishe aro tai ke National Investigation Agency (NIA) para Naxals, banned CPI (Maoists) logot linked thaka nemite thurishe. Stan Swamy toh Jesuit priest aro tribal rights activist thakishe aro tai toh Monday din 1:30pm samai morishe, koikena khobor para janaishe. Holy Family Hospital laga medical director, Dr Ian D’souza para khobor toh High Court logot janaishe. “Sunday 4.30am samai, Stan Swamy toh cardiac arrest hoishe etu beche tai puila neshina sense te wabas aha nai. Aji 1.24pm samai tai toh morishe koikena junaishe. Tai laga bemar toh pulmonary infection aro Parkinson’s bemar aro dosura bemar para mora ase koishe.