July 7, 2021. Assam Government para state pura 7 districts te Covid-19 positive cases besi othi-thaka nemite total lockdown junaishe. Districts te total lockdown hoboli fesla toh Assam health minister Keshab Mahanta para press conference te janaishe. Districts kaun te total lockdown juna toh Goalpara, Golaghat, Jorhat, Lakhimpur, Sonitpur, Biswanath aro Morigaon districts te ase koikena Mahanta para janaishe. Assam State Disaster Management Authority (ASDMA) para rural aro aro urban jaga te revised aro consolidated directive kam toh July 7, 2021 para soruh hoboli ase koishe. Health minister para koishe ke, curfew toh etu districts te hotai samai thakibo. Tai para aro koishe ke, districts kaun jaga te moderate positivity rate viz. Sivasagar, Dibrugarh, Kokrajhar, Barpeta, Nalbari, Baksa, Bajali, Kamrup, Darrang, Nagaon, Hojai, Tinsukia, Dhemaji, Cachar, Karimganj aro Karbi Anglong te curfew toh 2 PM para 5 AM dak thakibo. Mahanta para koishe, districts kaun jaga te positivity caseload toh improve hoi ase etu jaga te curfew toh 5 PM para 5 AM dak thakiboli janaishe. Dhubri, Kamrup (M), South Salmara, Majuli, Bongaigaon, Chirang, Udalguri, West Karbi Anglong, Dima Hasao, Charaideo aro Hailakandi, etu districts te positive rate toh othi ase koishe. Revised standard operating procedure (SOP), hesab te 7 district te positivity rate high thika jaga te pura containment hobo. Sivasagar aro Dibrugarh districts te ek hafta neshina besi bhal para soikena jabo. Notun SOP hesab te workplaces, business/commercial establishments, shops, groceries, fruits & vegetables, dairy & milk booths, animal fodder, restaurants, dhabas aro dosura eateries, sale counters, showrooms, te positive rate besi high howa nemite bondh thakibo koishe. Dosura district te public transport authorities para COVID19 hoshari neum toho gari pithor te maniboli janaishe. Inter-district passenger transport services aro manuh khan dosura districts para aha toh bondh thakibo koikena Assam Disaster Management Authority (ASDMA) para notun SOP toh janaishe.
Add Comment