JUL 20, 2021 :Mota ekda mask nahalia karne Spanish train bara khedai deshe. Edu laka video doh Twitter de “News For All” bara share kureshe aro edu video doh 260,000 loko beshi wala views baishe.
Spain de edu mota doh train de uthe she aro, alak passengers bara tai mask nalakia karne kussa hoishe aro train bara olai deshe. Video de dhekia doh tai mask nathakia karne olop passengers khan melai kena tai loko jakhra kure she.
World Heath Organisation (WHO) bara koishe ki ahia din de edu duniya de beshi biya wala variant coronavirus ahibole ase koishe, aro edu doh harabole beshi dukh babo koishe. Aro edu karne aji kali ami khan sop mask use kurebole aro social distancing thakibole koishe. Video de dhekha doh passengers khan bara tai ke darwaja laka osor de thakai deshe aro tai olapole manai, edu time de twida maiki bara tai ke train laka bahar de olai deshe. Video de thekha doh edu mota train bara olai kine tai bara mask halanai, aro tai next train ke ruche thakeshe.
Spanish government bara June 26 bara sop manu khan mask halepole mandatory kure deshe. Spanish bara France bara mask halebole decision lua de follow kure ase. Spanish newspaper El Paris laka hisap de last days tak de Covid- 19 laka patient double wala hoishe koishe. Reuters report kureshe ki edu country bara 4,100,222 Covid-19 cases report kureshe aro 81,096 manu mureshe , health ministry data bara koishe.
